··> Lehenengo solairua, 179,42 m2koa da, eta bertan Euskararen Interpretazio Zentroa dago. Tren geltoki baten antzera girotuta dagoen lehenengo gune honetan, euskararen bidaia denboran zehar islatu nahi izan da hizkuntzaren historia eta bilakaera azalduz. Zentroak, euskara ezagutarazteaz gain, bisitariei bizipen entretenigarria eskainiko die, eta horretarako teknologia berriak erabili dira. Turismoa ere kontuan hartu da, eta zentroa lau hizkuntzatan (euskaraz, gaztelaniaz, ingelesez eta frantsesez) bisitatzeko aukera dago.

··> Bigarren solairua 180,40 m2koa da, eta bertan Euskararen Multimedia Gordailua (Mediategia) eta Areto Balioaniztuna daude. Mediategia, ikertzaile eta, oro har, euskaltzaleentzat pentsatuta dago. Bertan, orain arte euskaraz ekoiztu diren multimedia produktuak biltzen dira hainbat formatutan: disketea, CDa eta DVDa. Horretaz gain, Interneten eskuragarri dauden euskarari buruzko webguneen bilduma ere eskaintzen da. Areto Balioaniztuna, berriz, euskararekin zerikusia duten jarduerak antolatzeko pentsatua dago.

Gainera, bigarren solairuan ere, Euskarazko Unibertsitate Liburuen Gordailua (Liburutegia) dago eta Liburuen Katalogoa interneten kontsulta daiteke.

Ipini sagua planoaren eremu bakoitzean eta sakatu deskribapena ikusteko.